Musanze: Umuyobozi wa Sacco Musanze aciye mu rihumye abagenzuraga umutungo akekwaho kunyereza

Umuyobozi wa Koperative Umurenge Sacco  Ituze yo mu murenge wa Musanze atorotse itsinda ry’abari barimo kugenzura umutungo w’iyi koperative.

Umuturage wari hafi y’iyi sacco yabwiye The Source Post ko uyu mugore yatwawe mu modoka n’umugabo we ubwo igenzura ryari rikomeje.

Birakekwa ko yanyereje amafaranga agera kuri miliyoni 9. Aya mafaranga ngo aherutse kuyabikuza kuri banki bakorana ntiyayageza kuri konti ya sacco.

Ubwo iri genzura ryakorwaga hasanzwe hari amafranga atashyize kuri konti ya sacco, avuga ko agiye kuyashaka…

Hari amakuru ko yiteguraga kujya Canada.

Biravugwa ko uyu muyobozi ashobora yaranyereje n’andi mafaranga menshi.

Iyi nkuru turacyayikurikirana..

Ntakirutimana Deus