Indege zo mu bwoko bw’iherutse kwica abasaga 250 muri Ethiopia ntizemerewe guca mu kirere cy’u Rwanda
Indege zo mu bwoko bwa Boeing 737-Max zahagaritswe guca hejuru y’ikirere cy’u Rwanda mu gihe hakigenzurwa igituma zikora impanuka zigihaguruka.
Ibi byasabwe n’ikigo gishinzwe indege za gisivili mu Rwanda (RCAA).
Ni nyuma yuko na Perezida wa Leta Zunze Ubumwe za Amerika, Donald Trump, ategetse ko indege zose zo mu bwoko bwa Boeing 737-Max 8 na 9 zihagarikwa.
Ingingo ya Prezida Trump ije inyuma y’uko indege ebyiri zo muri ubwo bwoko zigize impanuka mu gihe cy’amezi atandatu, hapfamo abantu 350. Perezida Trump yari yatangaje imbere y’aho ku rubuga Twitter ko muri iki gihe indege zisaba ubuhanga bukomeye cyane kugira ngo umuntu aziyobore neza.
Sosiyete Boeing ikora izo ndege yari yatangaje ku musi wa kabiri ko nta migambi ifite yo guhagarika izo ndege. Izo ndege zikorerwa muri leta ya Washington muri Amerika.
Ahaguye indege ya Ethiopian AirlinesSosiyete Boeing yahagaritse indege zose zo mu bwoko bwa 737 Max nyuma y’aho abashakashatsi baboneye ibimenyetso bishya by’impanuka y’indege ya Ethiopian Airlines.
Iyi kompanyi yo muri Leta Zunze Ubumwe za Amerika ikora indege yamenyesheje ko yahagaritse indege 371 zose.
Ubuyobozi bw’ikigo gishinzwe ingendo z’indege muri Leta Zunze Ubumwe za Amerika, FAA, bumenyesha ko ibyemezo bishya hamwe n’ibimenyetso bitangwa n’ibigendajuru (satellites) byatumye hafatwa iyo ngingo y’uko izo ndege ziba zhagaritswe.
FAA ifite itsinda riri gukora iperereza bafatanyije n’ikigo cya Amerika gishinzwe kwita ku buzima bw’abagenzi, aho impanuka y’indege ya Ethiopian Airlines yabereye ku Cyumweru.
Dan Elwell uyoboye FAA ku wa gatatu yamenyesheje ko impande zombi zabonye ko hari isano riri hagati y’impanuka y’indege ya Ethiopian Airlines n’iy’ikompanyi ya Lion Air yo muri Indonesia.
Ntakirutimana Deus
