Coronavirus yishe umutoza w’umupira w’amaguru wari ukiri muto

Umutoza Francisco Garcia w’imyaka 21 y’amavuko yishwe n’indwara ya coronavirus.

Amakuru y’urupfu rw’uyu mutoza muto w’ikipe ya Atletico Portada Alta ibarizwa i Malaga muri Espagne rwemejwe ku cyumweru n’umuyobozi w’iyi kipe Pep Bueno nkuko The Independant yabitangaje.

Yahitanywe na Coronavirus yagaragaye mu ishusho y’indwara ya kanseri y’amaraso (leukaemia). Iyo kanseri niyo yatumye azahazwa na coronavirus nyuma yuko yagiye kwa muganga agaragaza ibimenyetso bya coronavirus.

Ubu abantu bagera kuri 300 bamaze guhitanwa na Coronavirus. Uyu mutoza akaba abaye uwa 5 uhitanywe n’iyi ndwara mu gace ka Malaga mu gihe abandi 4 yahitanye bari bafite byibura imyaka 70 buri wese.

Muri Espagne, coronavirus imaze guhitana abantu 297 mu bagera ku 8.744 bayanduye.

Ntakirutimana Deus