Congo: Kiliziya Gatolika yahakanye ko Felix Tshisekedi yatsinze amatora

Mu muryango no mu ishyaka UDPS barabyina intsinzi ko Felix Tshisekedi yatangajwe by’agateganyo na Komisiyo y’Amatora k’uwatsinze amatora ya perezida wa repubulika muri Congo Kimshasa, nyamara ariko ishyamba si ryeru hagati ya Kiliziya Gatolika na komisiyo y’amatora (CENI).

Iravuga ko uwatangajwe by’agategango ko yatsinze amatora atari ukuri, ahubwo ibifata nko guhirika ubutegetsi ku wayatsinze ikurikije amakuru ifite.

Kiliziya muri Congo biciye mu nama y’abepisikopi Gatolika yatangaje mbere y’itangazwa ry’amajwi izi uwatsinze kuko ngo mu bayoboke basaga miliyoni 80 iri dini rifite muri Congo ryahisemo abasaga ibihumbi 40 bagiye kuba indorerezi z’amatora hirya no hino mu gihugu.

Ibyatangajwe na Komisiyo yigenga y’amatora muri Congo ngo binyuranye n’icyitwa ukuri izi ndorerezi zabonye aho zari ziri. Aha niho Kiliziya ihera ihakana ibyatangajwe na komisiyo y’amatora.

Inama y’abepisikopi iti ” Ibyatangajwe na Komisiyo y’Amatora ku matora ya perezida ntabwo bihuje n’ibtakusanyijwe n’indorerezi zacu zari kuri site zatoreweho zikanabarurirwamo amajwi.”

Si kiliziya gusa yahakanye iby’ukuri ku majwi yatangajwe kuko n’ihuriro ry’amashyaka atavuga rumwe ba leta ya Joseph Kabila rivuga ko ibyatangawe atari ukuri.

Iri huriro ryatanze umukandida Martin Fayulu wari muri iri huriro ryarimo na UDPS ya Felix Tshisekedi nyuma ryaje kwivana muri iryo huriro, rigatangaza Felix nk’uzarihagararira( ishyaka UDPS).

Abakurikiranira ibintu hafi bavuga ko kiriziya uwo ivuga ko watsinze aya matora ari Fayulu.

Uyu mwuka ushobora gutuma muri iki gihugu hatabaho guhererekanya ubutegetsi mu mahoro, ibyo bamwe bafara nk’inzozi byitezwe nyuma y’imyaka 59 muri iki gihugu iri hererekanywa rijyana no kumena amaraso.

Felix Tshisekedi yatangajwe nk’ushobora gusimbura Joseph Kabila umaze imyaka 18 ayobora Congo.

Abashyigikiye Fayulu bavuga ko abayobozi bariganyije amajwi ku nyungu za Felix Tshisekedi batangaza ko hari ibyo yumvikanye n’ubuyobozi buriho muro Congo ngo bumuhe ubutegetsi.

Abashyigikiye uyu mukandida bivugwa ko hari bane bishwe ubwo bageragezaga kwigaragambya ariko hirya no hino muri Congo hari ituze.

Abashyigikiye Tshisekedi nabo bakomeje kwishimira intsinzi ariko ibitangazwa na Kiriziya bishobora kuba kidobya kuri ibyo byishimo.

Abanyecongo baratinya ko muri iki gihugu hakongera kwaduka imvururu, aho intambara zitandukanye zagiye zihaba zahitanyemo benshi, bitewe n’inzara zagiye zibatera n’indwara z’ibyorezo kuva mu myaka 1990.

Bimwe mu bihugu ntibivuguruzanya na Kiriziya.

U Bufaransa, u Bwongereza n’u Bubiligi bitangaza ko Fayulu ari we watsinze amatora.

Umunyamabanga w’u Bwongereza ushinzwe ububanyi n’amahanga avuga ko iki kibazo azakigeza ku kanama ka Loni gashinzwe amahoro n’umutekano.

Amerika, igihugu cy’igihangange kivuga ko cyamenye iby’iryo tangazwa ry’amajwi ariko ikongeraho ko irindiriye ukuri ku kibazo cyagaragajwe kijyanye n’ibivugwa mu ibarura ry’amajwi.

Fayulu ati nakorewe coup d’etat na Kabila

Uyu mukandida utavuga rumwe na Kabila avuga ko yakorewe coup d’etat na Kabila utifuza ko yajya ku buyobozi bw’iki gihugu.

Mu mujyi wa Kikwit, uri muri kilometero 500 (310 miles) z’umurwa mukuru Kinshasa, ikivunge fy’abashyigikiye Fayulu biraye ku birango bya lwta barabangiza ndetse bahangana n’inzego z’umutekano bane muri bo baricwa, aya makuru umuyobozi w’uyu mujyi wa Leonard Mutangu yayemereye ibiro ntaramakuru by’Abongereza Reuters.

Mu bice bitandukanye bya Congo abashyihikiur Tshisekedi nabo bakomeje ibyishimo.

Dr Kayumba Christopher asanga Kabila azi ubwenge

Umusesenguzi kuri politiki mpuzamahanga Dr Kayumba Christopher avuga ko Kabila azi ubwenge bwatumye ashaka icyo akora ngo abaavuga rumwe nawe abacemo ibice, afaaha Tshisekedi gutangazwa nk’uwatsinze. Aha avuga ko abatavuga rumwe na we nibamenya uwo mutego bazumvikana Tshisekedi akaba perezida akaba yaha umwanga Fayulu, ariko ngo nibatumvikana, bazaryana maze Kabila agume ku butegetsi.

Ntakirutimana Deus

Congo: Kiliziya Gatolika yahakanye ko Felix Tshisekedi yatsinze amatora

Tugomba kubikurikirana tugashaka uburyo bw’inyoroshyo yabaho- Perezida Kagame ku musoro w’ubutaka

2020: Perezida Kagame yatangaje uko igihugu gihagaze

Imboni :Ibibazo byugarije abaturage birimo icy’imisoro ku butaka

CONTACT

Izindi nkuru zakunzwe

Tugomba kubikurikirana tugashaka uburyo bw’inyoroshyo yabaho- Perezida Kagame ku musoro w’ubutaka

2020: Perezida Kagame yatangaje uko igihugu gihagaze

Imboni :Ibibazo byugarije abaturage birimo icy’imisoro ku butaka

CONTACT