Congo: Fayulu watsinzwe mu matora agiye kugana urukiko ‘adafitiye icyizere’
Si kera abiteganya ni ku munsi w’ejo kiwa Gatandatu tariki ya 12 Mutarama 2018, Martin Fayulu watsinzwe mu matora ya perezida muri Congo Kinshasa ateganya kugana urukiko rurinda itegeko nshinga
Uyu aherutse kuza ku mwanya wa kabiri nyuma ya Felix Tshisekedi nk’uko komisiyo y’amatora yabitangaje mu majwi y’agateganyo yashyize ahabona ku wa Kane.
Mu kiganiro yahaye Ijwi ry’Amerika dukesha iyi nkuru, Fayulu yatangaje ko nta cyizere afite ko uru rukiko hari icyo ruzahindura ku ngingo yafashwe n’akanama gashinzwe amatora kuwa kane ko Felix Tshisekedi ari we watsinze ayo matora, kandi ko ari we ugiye gusimbura Prezida Joseph Kabila, wari umaze imyaka 18 ku butegetsi.
Inama y’Abepisikopi Gatorika muri Congo yamaganiye kure ibyatangajwe na komisiyo y’amatora. Kiriziya Gatorika igaragaza ko Fayulu ari we wari watsinze amatora ngo ihereye ku byabonywe n’indorerezi zayo zisaga ibihumbi 40 zari kuri site z’itora muri Congo mu gihe cyo gutora no kubarura amajwi.
Abaturage bashyigikiye Fayulu bavuga ko abategetsi bibiye amatora Tshisekedi kugira ngo ubutegegsi bugume mu maboko y’abazakingira leta ya Kabila.
Abantu bane baciwe mu myigaragambyo yo kwamagana ibyatangajwe na komisiyo y’amatora.
Ntakirutimana Deus
