Congo: Abatavuga rumwe na leta basubiranyemo ku mukandida bari bahurijeho
Umukuru w’umugambwe UDPS utavuga rumwe na leta ya Kongo, Felix Tshisekedi, yasiguye icatumye areka gushigikira Fayulu.
Felix Tshisekedi, umukuru w’ishyaka UDPS ritavuga rumwe na leta ya Republika ya Demokarasi ya Congo, yatangaje icyatumye ahagarika gushigikira umukandida Martin Fayulu wari wumvikanyweho n’ihuriro ry’amashyaka atavuga rumwe na leta.
Abanyapolitiki barindwi batavuga rumwe na leta ya Congo bari bahuriye i Geneve mu Busuwisi (Swisse) mu mpera z’icyumweru gishize, aho bari bahurije ku gushyigikira umukandida umwe uzahangana n’uwatanzwe na Perezida w’iki gihugu Joseph Kabila.
Ku cyumweru gishize abagize iri huriro bari bahurije ku mudepite akaba n’umukire, Martin Fayulu, ngo abe ariwe uzabaserukira mu matora y’umukuru w’igihugu yo mu kwezi gutaha.
Icyo gihe bose uko ari barindwi, bashyize umukono ku masezerano yo gushyigikira bwana Fayulu, bahita banabitangaza nk’uko bigaragara mu nkuru ya BBC.
Hashize amasaha 4 , ishyaka UDPS ryatangaje ko rihaye igihe gito umukuru waryo Tshisekedi, ngo abe yikuye muri ayo masezerano.
Bari mu mahanga baganira ku wo bahitamo. Uvuye ibumoso ujy iburyo: Vital Kamerhe, Felix Tshisekedi, Adolphe Muzito, Moise Katumbi na Jean-Pierre BembaNyuma Felix Tshisekedi yatangaje ko atakiri mu masezerano ya Geneve, kandi ko atagishigikiye umukandida Martin Fayulu.
Ibi bibaye mu gihe hasigaye ukwezi kurenga gato ngo habe amatora y’umukuru w’igihugu muri Congo, kandi hakaba hakiri n’izindi ngingo abatavuga rumwe na leta badashima, nk’imashini izokoreshwa mu gutora bavuga ko igomba kudakoreshwa.
Ntakirutimana Deus
