Bouteflika w’imyaka 82 yirukanye ushinzwe kumwamamaza wamuhesheje manda eshatu
Perezida w’Aljeria Abdelaziz Bouteflika, yirukanye ku mirimo ushinzwe ibikorwa byo kumwamamaza kuri uyu wa gatandatu.
Amakuru dukesha ibiro ntaramakuru by’abafaransa AFP avuga ko byaje bikurikira imyigaragambyo yo kwamagana ukwiyamamaza kw’uwo mukambwe w’imyaka 82 ku nshuro ya gatanu.
Abdelmalek Sellal, wahoze ari ministri w’intebe ari nawe wagejeje Bouteflika ku ntsinzi muri manda eshatu zose zishize ari ku butegetsi, yirukanywe hasigaye amasaha make ngo igihe ntarengwa cyahawe abiyamamaza kuba barangije gutanga candidature zabo kigere.
Ibiro ntaramakuru by’Algeria APS byatangaje ko Sellal yasimbuwe na Abdelghani Zaalene, ministri ushinzwe ibyo gutwara bantu n’ibintu.
Bouteflika amaze igihe atagaragara mu ruhame kuva mu 2013 ubwo yarwaraga indwara izahaza ubwonko. Yari amaze icyumweru mu Busuwisi aho ibiro bye byavugaga ko yagiye kwisuzumisha bisanzwe.
Nta tegeko ritegeka abiyamamaza kuba bari mu gihugu ku cyumweru kugirango bubahirize isaha ntarengwa ya saa tanu za nijoro kuba batanze kandidature yabo mu matora ategenyijwe kuri 18 z’ukwezi kwa kane.
