Ngoma: Umugabo yemera ko ubusinzi bwatumye asambanya umwana we

Ku wa 28 Nyakanga 2021 Ubushinjacyaha  ku rwego Rwisumbuye rwa Ngoma  bwaregeye mu mizi dosiye iregwamo  umugabo ukekwaho gusambanya umwana we . 

Ku itariki ya  16/07/2021 mu gihe cya  saa tatu  z’ijoro , mu Murenge wa Gatore ,Intara y’Iburasirazuba, uregwa  yasambanije umwana we w’umukobwa akaba n’ubwo avuga ko yamusambanije inshuro imwe umwana we avuga ko amaze kumusambanya  inshuro eshatu.

Uregwa yemera icyaha yakoze cyo gusambanya umwana we agasobanura ko yabitewe n’ubusinzi.

Uyu mugabo naramuka ahamwe n’ icyaha cyo gusambanya umwana, azahanishwa ingingo ya 133 y’Itegeko Nº68/2018 ryo ku wa 30/08/2018 riteganya ibyaha n’ibihano muri rusange nk’uko ryavuguruwe mu ngingo ya 4 y’itegeko no 69/2019 ryo ku wa 08/11/2019, aho riteganya igifungo cya burundu.