Uwari umuyobozi wa RIB mu karere yakatiwe gufungwa imyaka 8
Uwahoze ari umuyobozi w’ubugenzacyaha (DCI) mu karere ka Rusizi yakatiwe igifungo cy’imyaka 8 n’amezi 6 n’ihazabu y’amafaranga miliyoni imwe n’ibihumbi 200 frw azira kwakira indonke.
Ni igihano yakatiwe mu rukiko Rwisumbuye rw’i Rusizi nyuma yo kuregwa n’ubushinjacyaha icyaha cyo kwakira indonke n’icyo kudasobanura inkomoko y’umutungo.
Yahamijwe icyaha cyo kwakira indonke agirwa umwere ku cyaha cyo kudasobanura inkomoko y’umutungo mu rubanza rwasomwe tariki ya 18/11/2021 nkuko the source post ibikesha ubushinjacyaha.
Ku itariki ya 24/05/2021 saa tanu z’ijoro (23hoo) nibwo uwari Umuyobozi wa RIB (icyo gihe) mu Karere yafatiwe mu cyuho yakira amafaranga ibihumbi 300 frw, yari yayasabye kugira ngo afashe gufungura umuntu wari ufunze akurikiranyweho icyaha cyo gucuruza urumogi.
Amaze gufatwa bagiye gusaka iwe bahasanga amafaranga miliyoni n’ibihumbi 100.
Icyaha cyo kwaka no kwakira indonke giteganywa kandi kigahanishwa ingingo ya 4 n’iya 5 z’itegeko No 54/2018 ryo ku wa 13/08/2018 ryerekeye kurwanya ruswa.
