Loni iraburira abanye-Congo kubera Ebola iri gufata intera

Umuvugizi w’ishami rya Loni rishinzwe ubuzima (OMS) atangaza ko icyorezo cya Ebola muri Republika ya demokarasi ya Congo kirimo gukwirakwira ku muvuduko udasanzwe.

Ni mu gihe hashize amezi i iki cyorezo cyongeye kwibasira iki gihugu ku nshuro ya 10.

Christian Lindmeier avuga ko abantu 72 ari bo banduye iyo ndwara mu cyumweru gishize, mu gihe mu cya kibanjirije abayanduye ari 57.

¬†Lindmeier yabwiye Reuters ati “Abantu bari kwandura iyo ndwara mu gihe badafite uburyo bwo kugera aho bashobora gufashwa.”

Ebola imaze guhitana abantu barenga 600, abayanduye ubu barenga 1000.

Ubushakashatsi buheruka gukorwa bwerekana ko umuturage umwe kuri bane batuye mu mijyi ya Beni na Butemo, aho iyi ndwara yibasiye cyane, batemera ko ibaho, abandi nabo ntibumva ibyo abaganga bababwira.

Ntakirutimana Deus