Imiryango mpuzamahanga ikorera mu Rwanda yatanze inkunga yo guhangana n’ingaruka zatewe na COVID-19

Imiryango mpuzamahanga ikorera mu Rwanda yatanze inkunga yo guhangana n’ingaruka zatewe na COVID-19, ni inkunga isaga amadolari ya Amerika miliyoni 9.2.

Iyi miryango itari iya leta ihuriye mu cyitwa NINGO(Network of International NGO’s) yatanze iyi nkunga isaga miliyari 8 na miliyoni 700. Iyi nkunga igizwe n’amafaranga ndetse n’ibikoresho bizasaranganywa inzego zirindwi zagizweho ingaruka cyane na COViD-19.

Umuyobozi wa NINGO , akaba n’uhagarariye SNV mu Rwanda, Papa Diouf yishimiye  uku guhuza imbaraga  kw’abafatanyabikorwa mu iterambere mu gufasha abagizweho ingaruka n’iki cyorezo cya COVID-19.

Avuga ko ihungabana ryatewe n’iki cyorezo ritari ryitezwe, ariko ngo bishatsemo ubushobozi.

Ati “Ntabwo imiryango mpuzamahanga itari iya Leta yari  iryiteguye mu buryo bw’imikorere, abakozi n’ibindi. Iyi miryango  yashyize imbaraga hamwe kugira ngo ibikorwa bimwe na bimwe bikomeze ndetse banafashe abagizweho ingaruka n’iri hungabana.

Iyi ni  impinduka nyayo ku Isi y’iterambere hibandwa cyane  ku guhuza gahunda zo gutegura abaturage batishoboye atari mu bihe bya COVID-19  gusa ahubwo no mu bizaba mu buzima bwari busanzwe.”

Aya mafaranga azasaranganywa mu nzego zitandukanye mu buryo bukurikira. Urw’ubuzima rugenewe agera kuri miliyoni 2 z’amadolari. Azahabwa minisiteri y’ubuzima.

Iyi nkunga izafasha mu kongera ubushobozi mu ihererekanya ry’amafaranga, isuku n’isukura ndetse n’obikoresho byo gukarabiraho. Birimo kandi ibyo gupima  n’aho bikorerwa, ibikoresho by’ubuvuzi muri rusange n’ibifasha mu bukangurambaga bugamije ubwirinzi.

Isuku n’isukura hatanzwe amadolari 55, 058 (miliyoni 52 Frw).

Mu buhinzi , inkunga yatanzwe ingana na miliyoni 5 z’amadolari (miliyari 4,7 Frw). Azafasha mu gufasha abahinzi, mu kuguriza abahinzi, amatsinda yo kubitsa no kuguruza n’ibindi.

Ibikorwa birimo kongerera ubushobozi, ibikorwa bitari iby’ubuvuzi ndetse n’ubukangurambaga kuri COVID-19, hatanzwe amadolari 818,840 (miliyoni 773Frw).

Mu rwego rw’uburezi hatanzwe amadolari  306, 769 (miliyoni  289 Frw).

Mu guhangana n’ibiza hatanzwe amadolari 285 149 (miliyoni Frw).

Guteza guhangana n’ibiza hatanzwe amadolari 285 149 ( miliyoni 269 Frw)

Mu guteza imbere uburinganire n’iterambere ry’umuryango hatanzwe amadolari  43 248(miliyoni 40Frw).

Amwe mu mafoto y’ibyatanzwe