Coronavirus ishobora kwandurira mu mwuka
![](https://thesourcepost.com/wp-content/uploads/2020/06/2020-06-01-15-55-20-.jpg)
Yanditswe na Deus NTAKIRUTIMANA
Ubushakashatsi bushya bw’ishami rya Loni ryita ku buzima(OMS) bugaragaza ko Coronavirus yandurira mu mwuka. Igihe uyirwaye ahumekeye ahantu cyangwa akahakororera udukoko tuhamara amasaha cyangwa iminsi bitewe n’ubuhehere bwaho ndetse utwo dukoko dutembera mu kirere tukaba twakawanduza.
Niyo mpamvu kwambara agapfukamunwa ari bumwe mu buryo bwo kwirinda iki cyorezo, kuko umuntu utambaye agapfukamunwa intera wajyamo ngo utandura ntizwi.
OMS ivuga ko iyi virusi ishobora kwandurira mu mazirantoki n’inkari z’uyirwaye, mu macandwe n’andi matembabuzi yo mu mazuru, mu mwuka, mu maraso, umubyeyi yayanduza umwana amubyara, n’inyamaswa ikaba yayanduza umuntu.
Mu Rwanda abamaze kuyandura ni 1252, abakize ni 635 abakirwaye ni 614, abo imaze guhitana ni 3.