Urayeneza Gerard uhagarariye ibitaro bya Gitwe mu batawe muri yombi
Inkuru yanditswe na NTAKIRUTIMANA Deus
Urayeneza Gerard nyiri Kaminuza ya Gitwe yahoze yitwa ISPG akaba n’umuyobozi w’ibitaro bya Gitwe mu by’amategeko yatawe muri yombi, nyuma y’imibiri bikekwa ko ari iy’abazize jenoside yakorewe abatutsi yabonetse mu gikari cy’ibi bitaro.
Si Urayeneza gusa watawe muri yombi kuko hari n’abandi bantu 7 batawe muri yombi.
Aya makuru yemejwe n’Umuvugizi w’urwego rw’igihugu rw’ubugenzacyaha (RIB), Umuhoza Marie Michelle mu kiganiro yagiranye na Umuseke. Ati “Akekwaho kuzimiza cyangwa gutesha agaciro ibimenyetso cyangwa amakuru byerekeye Jenoside.”
