Ethiopia yaburiye abarwanyi bo muri Tigray ko ishobora kubarwanya mu buryo budasanzwe
Ethiopia yavuze ko ishobora “gukoresha ubushobozi bwayo bwose bwa gisirikare” mu kurwanya inyeshyamba zirwanira mu ntara ya Tigray nyuma y’uko zikomeje urugamba rwo kwigarurira utundi turere.
Izi nyeshyamba zigaruriye umujyi wa Lalibela, kirimo umurage mpuzahanga wa UNESCO, mu ntara ya Amhara ihana imbibi na Tigray, zawigaruriye ku wa kane.
Leta ivuga ko mu gihe inyeshyamba nazo zitagira icyo zikora ku gahenge yatanze kugira ngo ibikorwa by’ubutabazi bikomeze , bishobora gutuma “yegeranya ikahageza ingufu zose za gisirikare z’igihugu”.
Intambara zakomeje muri iki gihugu kuva mu kwa gatandatu, ni mu gihe izi nyeshyamba zihurije mu ishyaka TPLF (“Tigray People’s Liberation Front”) n’incuti zawo, bigaruriye hafi intara yose ya Tigray mu gitero cyari gikomeye.
Ariko, inzira zose zinjira muri Tigray zokoreshejwe mu bikorwa by’ubutabazi zakomeje gufungwa, abategetsi b’igihugu nabo bakokeza gushakisha abarwanyi.
Mu gihugu cyose habaye ibikorwa byo gusaba abaturage kwiyandikisha ngo bajye kurwanya izo nyeshamba.
Izi nyeshamba zisaba ko haba ibiganiro byo kurangiza intambara, ariko minisiteri y’ububanyi n’amahanga ivuga ko ibyakozwe nazo ari ibikorwa bibi.
Mw’itangazo bwasohoye, buvuga ko ishyaka TPLF ryashyize “leta mu bigeragezo kugira ngo rirebe aho kwihangana kwayo kugera”.
Buvuga ko ari ngombwa ko leta ihindura amayeri yayo mu kurinda igihugu nyuma y’aho ifatiye ingingo yo guhagarika intambara kugira ngo habe ibikorwa by’ubutabazi.
Ivomo: BBC
