Dr Frank Habineza azajya yicara imbere mu badepite

Dr Frank Habineza, umuyobozi w’ishyaka Democratic Green Party of Rwanda ni umwe mu badepite bazarahira ejo, uzahabwa n’umwanya ku ntebe y’imbere.

Inteko Ishinga Amategeko y’u Rwanda ikorera ku Kimihurura igena imyanya y’abadepite. Mu gihe mu bihugu byinshi usanga abadepite bicarana mu nteko bakurikije amashyaka bakomokamo, mu Rwanda si ko bimeze.

Umudepite wese asanga yaragenewe intebe iriho amazina ye, iriho n’ibindi byangombwa bimugenewe. Uwo mwanya niwo yicaramo mu gihe inteko rusange yateranye; ni ukuvuga mu gihe abadepite 80 bahuriye mu bikorwa by’inteko. Nta mudepite wicara mu mwanya utari we mu gihe cy’inteko rusange.

Mu Rwanda usanga bicara bakurikije inyuguti zitangira amazina yabo. Ibi bivuze ko ku murongo wa mbere abazahahabwa imyanya y’uko bicara mu bikorwa rusange by’inteko Madamu AHISHAKIYE Mediatrice azicara mu mwanya wa mbere muri iyi nteko kuko inyunguti itangira izina rye ari yo iza imbere y’abandi bose.  Ku murongo we azakurikurwa n’abandi 8 barimo Dr Frank Habineza.

Iyi myanya uko ishobora gukurikirana, Ahishakiye yakurikirwa gutya:

1. Ahishakiye

2. Ayinkamiye

3. Bakundufite

4. Barikana

5. Basigayabo

6. Begumisa

7. Bitunguramye

8. Bugingo

9. Habineza

Kwicarana gutya bituma byongera ubusabane hagati y’abagize amashyaka atandukanye; dore ko mu nteko umudepite ataba ahagarariye ishyaka ahubwo ahagarariye abaturage muri rusange.

Ku rundi ruhande ariko kwicara hamwe kw’abakomoka mu ishyaka rimwe cyangwa abihuje bituma biborohera guhuza ibitekerezo no gufata icyemezo ku ngingo runaka isaba gutorerwa.

Abagize inteko, umutwe w’abadepite biteganyijwe ko bazarahira ejo ku wa Gatatu tariki ya 19 Nzeri 2018, mu gihe batowe tariki 3 uku kwezi.

Abagize manda ya kane y’Umutwe w’Abadepite bazatangira imirimo yabo ku wa 5 Ukwakira bakazarangiza manda yabo muri 2023.

Amashyaka usanga aharanira kugira imyanya myinshi mu nteko, kuko uyifitemo arusha abandi usanga icyo ashaka ku cyemezo runaka gishyirwa mu bikorwa(itegeko) kubera ubwinshi bw’abadepite batoye cyangwa banze iryo tegeko.

Abadepite baherutse gutorerwa kwinjira mu Nteko Ishinga Amategeko y’u Rwanda bararahirira gutangira imirimo yabo kuri uyu wa Gatatu muri manda ya kane y’Umutwe w’Abadepite iva 2018 ikazageza 2023.

Amategeko ateganya ko abagize Inteko Ishinga Amategeko barahirira imbere ya Perezida wa Repubulika, ataboneka bakarahirira imbere ya Perezida w’Urukiko rw’Ikirenga.

Mu nama ya mbere kandi Abadepite bitoramo abagize biro, ni ukuvuga Perezida na ba Visi Perezida babiri, umwe ushinzwe amategeko no kugenzura ibikorwa bya Guverinoma ndetse n’ushinzwe Imari n’Abakozi.

Urutonde rw’abazarahira n’amashyaka bakomokamo

FPR Inkotanyi

1. IZABIRIZA Marie Médiatrice

2. BITUNGURAMYE Diogène

3. MURUMUNAWABO Cécile

4. RUKU-RWABYOMA John

5. MUKABAGWIZA Edda

6. NIYITEGEKA Winifrida

7. MPEMBYEMUNGU Winifrida

8. NDAHIRO Logan

9. MBAKESHIMANA Chantal

10. HARERIMANA MUSA Fazil

11. MUTESI Anita

12. RWAKA Claver

13. HABIYAREMYE J.P. Célestin

14. NYABYENDA Damien

15. MUKANDERA Iphigénie

16. KANYAMASHULI KABEYA Janvier

17. UWIMANIMPAYE Jeanne d’Arc

18. UWIRINGIYIMANA Philbert

19. RWIGAMBA Fidèle

20. MUKOBWA Justine

21. NDAGIJIMANA Léonard

22. UWAMARIYA Rutijanwa Marie Pélagie

23. NYIRABEGA Euthalie

24. UWANYIRIGIRA Marie Florence

25. BARIKANA Eugène

26. NIZEYIMANA Pie

27. KAREMERA Francis

28. MUHONGAYIRE Christine

29. UWAMARIYA Odette

30. MUKAMANA Elisabeth

31. BUGINGO Emmanuel

32. TENGERA Francesca

33. MANIRARORA Annoncée

34. SENANI Benoit

35. MUREBWAYIRE Christine

36. BEGUMISA Théoneste Safari

37. KALINIJABO Barthelemie

38. MURARA Jean Damascène

39. RUHAKANA Albert

40. MUNYANEZA Omar

PL

1. MUKABALISA Donatille

2. MUNYANGEYO Théogène

3. MBONIMANA Gamaliel

4. MUKAYIJORE Suzanne

PSD

1. NGABITSINZE Jean Chrysostome

2. NYIRAHIRWA Vénéranda

3. HINDURA Jean Pierre

4. RUTAYISIRE Géorgette

5. MUHAKWA Valens

Green Party

1. HABINEZA Frank

2. NTEZIMANA Jean Claude

PS Imberakuri

1. MUKABUNANI Christine

2. NIYORUREMA Jean Rene

Uhagarariye abafite ubumuga

1. MUSSOLINI Eugene

Abahagararira urubyiruko

1. KAMANZI Ernest

2. MANIRIHO Clarisse

Abahagarariye abagore

1.NYIRARUKUNDO Ignacienne

2. UWANYIRIGIRA Gloriose

3. AHISHAKIYE Mediatrice

4. UWERA Kayumba Marie

5. UWAMARIYA Veneranda

6. UWUMUREMYI Marie Claire

7. NYIRABAZAYIRE Angelique

8. AYINKAMIYE Speciose

9. MUZANA Alice

10. MUKABIKINO Jeanne Henriette

11. BAKUNDUFITE Justine

12. UWAMBAJE Aimée Sandrine

13. NYIRAGWANEZA Athanasie

14. MUKARUGWIZA Annonciata

15. RUBAGUMYA Furaha Emma

16. UWINEZA Béline

17. MUKAMANA Alphonsine

18. UWAMAHORO Berthilide

19. MUREKATETE Marie Therese

20. UWINGABIYE Solange

21. NIRERE Marie Therese

22. BASIGAYABO Marceline

23. NDANGIZA Madina

24. Kanyange Phoebe

Ntakirutimana Deus