Biden yatangaje ko Amerika yishe al-Zawahiri wari uyoboye umutwe w’iterabwoba wa al-Qaida,
Perezida Joe Biden yavuze kuri uyu wa mbere ko misile ya Amerika yatewe mu mpera z’icyumweru gishize yishe umukuru wa al-Qaida, Ayman al-Zawahiri, umwe mu bakora iterabwoba washakishwaga cyane ku Isi.
Mu myaka icumi ishize, al-Zawahiri niwe wari uyoboye al-Qaida, umutwe w’iterabwoba wakwirakwije amashami ku Isi, ni nyuma y’ibitero bikomeye wakoze ku butaka bwa Amerika tariki 11 Nzeri, 2001.
Perezida Biden yavuze ku mugoroba wo kuri uyu wa mbere ko ubutabera bwatanzwe, ko uwahoze ari umukuru w’iterabwoba atakiriho.
Al-Zawahiri, yavukiye muri Misiri, mu muryango w’abakire, yari umuganga ukora ibyo kubaga. Yatanguye kuyobora Al Qaida mu 2011. Mbere yaho gihe, byavugwa ko yari umuganga wihariye wa Osama bin Laden washinze uwo mutwe.
Urupfu rwe rwemejwe hashize isaha abategetsi b’Abatalibani i Kabul muri Afuganistani bavuze ko habaye igitero ku cyumweru mu gace kabamo abantu mu murwa mukuru Kabul. Abo bategetsi bavuze kandi ko icyo gitero cyakozwe n’indege y’abanyamerika yo mu bwoko bwa drone.
VOA
