Amerika: Abategetsi ku Isi banenze imyigarambyo yahabaye yiswe ‘igitero kuri demokarasi’
Minisitiri w’Intebe w’u Bwongereza, Boris Johnson, yatangaje ku rubuga Twitter ko ibyabaye biteye isoni. Yavuze ko Leta zunze ubumwe z’Amerika ihagarariye demokarasi kU isi yongera asaba ko haba ihererekanya ry’ubutegetsi mu rutonde kandi mu mahoro.
Abategetsi b’umuryango w’ubumwe bwu Bulayi bavuze ku musi wa gatatu ko bashyigikiye perezida watowe Joe Biden.
Mu butumwa perezida w’uwo muryango, Ursula von der Leyen yashyize kuri Twitter, yavuze ko yemera ko inzego za Leta zunze ubumwe z’Amerika na demokarasi bikomeye. Yavuze ko guhana ubutegetsi mu mahoro biri ku mutima y’abanyamerika.
Umukuru w’ishYirahamwe ry’umutekano ryo mu burengerazuba bw’inyanja ya Atlantike, OTAN, Jens Stoltenberg yavuze ko ibyavuye mu matora ya demokarasi bikwiye kubahirizwa.
Minisitiri wa Turukiya ushinzwe ububanyi n’amahanga yasabye abenegihugu be bari muri Amerika kwirinda kujya mu makoraniro no kwigaragambya. Yasabye impande zose muri Leta zunze ubumwe z’Amerika gushyira umutima hamwe.
Uko imyigaragambyo yagenze
Abantu bane bapfiriye muri iyi myiragambyo, barimo umugore umwe warashwe n’abapolisi, abandi bantu batatu bapfuye kubera kutaronswa “ubutabazi bwihutirwa”.
Uyo mugore warashwe ibinyamakuru muri Amerika bivuga ko yahoze ari mu ngabo za US Air Force, akaba yari mu bantu bari imbere binjira ku nguvu mu cyumba abadepite bateranimo. Abandi bapfuye bivugwa ko ari abagabo babiri n’umugore umwe.
Polisi ivuga ko yafunze abantu 52 – muri bo 47 bazize kurenga ku mategeko y’umukwabu.
Mbere y’uko ibi biba, Perezida Donald Trump yari yashyikirije ijambo hanze y’ibiro bye maze abatera intege ngo bakomeze imyigaragambyo yo kwamagana ibyavuye mu matora.
