Afurika: Igihugu cya mbere cyakiriye inkingo z’ibikennye bamwe badashira amakenga
Ishami ry’Umuryango w’Abibumbye rishinzwe ibibazo by’abana, Unicef yagejeje muri Ghana inkingo ibihumbi 600 mu rwego rwa Covax, ni ukuvuga gahunda ya OMS, ishami ry’Umuryango w’Abibumbye ryita ku buzima, yo kugeza ku buntu inkingo za Covid mu bihugu 92 bikennye.
Izi nkingo zakiriwe ku kibuga cy’indege mpuzamahanga cya Accra, umurwa mukuru, n’abahagarariye guverinoma ya Ghana, Unicef na OMS.
Izi nkingo ni izo mu bwoko bw’AstraZeneca zikorerwa mu Buhinde. Bamwe ntibazishira amakenga. Umuyobozi mukuru w’inzego z’ubuzima za Ghana, Dr. Patrick Dacosta, yahumurije rubanda. Avuga ko zizewe, ariko kandi ko bazahozaho mu kubigisha no kubasobanurira nkuko VOA dukesha iyi nkuru yabyanditse.
Afrika y’Epfo yahagaritse gukoresha inkingo z’AstraZeneca muri uku kwezi, imaze kubona ko zidakora ku bundi bwoko bwa Covid-19 bwahavutse, butandukanye n’ubusanzwe buzwi.
Itangazo leta ya Ghana yashyize ahagaragara rivuga ko Perezida Nana Akufo-Addo azaba mu ba mbere na mbere bazatanga urugero, bikingize ku itariki ya 2 y’ukwezi kwa gatatu gutaha. Abandi bazaruhabwa mu ba mbere mu minsi izakurikiraho ni abaturage barengeje imyaka 60 y’amavuko, n’abakozi bo mu bitaro no mu zindi nzego z’ubuvuzi.
