Ubwoko bushya bwa Covid-19 bushobora kuba icyorezo vuba aha-Amerika
![](https://thesourcepost.com/wp-content/uploads/2021/02/bushya.jpg)
microscopic magnification of coronavirus that causes flu and chronic pneumonia leading to death. 3D rendering
Muri leta zunze ubumwe z’Amerika, Dr. Anthony Fauci, uyobora ikigo gishinzwe indwara zandura avuga ko Ubwoko bushya bwa Covid-19 bshobora kuba icyorezo mu mpera za Werurwe uyu mwaka.
Yabitangaje ko iyi ndwara yavumbuwe bwa mbere mu Bwongereza irimo gukwira ku Isi mu buryo budasanzwe ku buryo ishobora kuzitwa icyorezo muri uko kwezi nkuko VOA yabyanditse.
Mu kiganiro yatanze muri perezidanse y’Amerika, White House, Fauci yavuze ko iyi ndwara isa na COVID irimo kwiganza muri Amerika kandi ishobora kuzakomera mu byumweru bitandatu biri imbere.
Fauci ariko yavuze ko hari icyizere ko iyi ndwara ishobora gucogozwa mbere yuko ihitana imbaga.
Yavuze ko abaturage bakwiye kwikingiza ku bwinshi ari nako bakurikiza amabwirizwa yo kwikingiza.
Ikigo cya Amerika gishinzwe kurwanya no gukingira indwara, gitangaza ko abanyamerika miliyoni 32 bamaze gukingirwa COVID-19, abarenga miliyoni 9 n’ibihumbi 300 bamaze guhabwa inking ebyiri.