Covid-19: Zimbabwe yasubijeho Guma mu Rugo

Visi perezida Perezida, Constantino Chiwenga, yavuze ko mu minsi irindwi ishize, abantu bashya 596 banduye hamwe na 26 bishwe n’icyo cyorezo, ugereranije no mu kwezi kwa gatanu k’umwaka ushize nk’aya matariki, aho handuye 132 na batandatu bapfuye.

Chiwenga yavuze ko amahuriro yose ahagaritswe kuva kuri uyu wa mbere, uretse abashyingura ababo aho abantu batarenga 30 ari bo bemerewe kuhagera.

Gusa ntiyavuze igihe ibi bizarangirira.

Ubushake bwa Zimbabwe bwo gukingira abaturage bwagiye buhura n’ibibazo byo kubura inkingo. Nyamara abategetsi bavuga ko igihugu gifite mu bubiko inkingo miliyoni 1 n’ibihumbi 700 zatanzwe n’Ubushinwa, Uburusiya n’Ubuhinde kuva mu kwezi kwa kabiri.

Mu cyumweru gishize Zimbabwe yakiriye inkingo ibihumbi 25 za Sputinik V zo mu Burusiya. Zahageze nyuma y’iminsi ibiri icyo gihugu kibonye iza Johnson & Johnson zatanzwe n’ubumwe bwa Afrika biciye muri banki ya Afrika, Export-Import. Zimbabwe yemeje ko imaze kugira abantu 39 852 banduye barimo 1632 bahasize ubuzima.

Muri Mata 2020, Zimbabwe yigeze gushyiraho gahunda ya Guma mu Rugo yamaze iminsi 21.