Burundi: Abantu 26 baguye mu gitero cyabagabweho
Ubutegetsi bw’u Burundi buvuga ko abantu 26 baraye bapfuye iyuma y’igitero cyagabwe n’abantu bavuye mu gihugu cya Repubulika iharanira Demokarasi ya Congo.
Minisitiri w’Umutekano mu gihugu Alain Guillaume Bunyoni yavuze ko abantu 24 aribo biciwe ku musozi wa Ruhagarika mu ntara ya Cibitoki hafi y’umupaka wa Congo.
Akomeza avuga ko abandi babiri bapfiriye mu bitaro, ndetse ko hari na baeindwi bakomeretse bajanywe kuvurirwa mu bitaro by’i Bujumbura.
Bunyoni yavuze ko abateye muijoro ryo kuwa gatanu yise “itsinda ry’iterabwoba” ko bahungiye muri Congo, ariko ko bagiye gukurikiranwa.
Abatavuga rumwe na leta mu Burundi ntibashaka kamarampaka ku itegekonshinga. Kiliziya Gatolika mu Burundi ntishyigikiye ayo matora ya kamarampaka
Icyo gitero kibaye mu gihe hategenyijwe amatora kamarampaka yo kwemeza niba itegeko nshinga ry’iki gihugu ryavugururwa. Biramutse byemejwe perezida Pierre Nkurunziza agatorwa muri 2020 yakomeza kuyobora igihugu kugeza muri 2034.
Amashyaka atavuga rumwe n’ubutegetsi yari amaze iminsi ashishikariza Abarundi gutora oya muri ayo matora.
Imiryango y’ibihugu bya Afurika n’u Burayi imaze iminsi igaragaza amakenga ku gushaka guhindura iryo tegeko nshinga.Ivuga ko u Burundi bushobora gusubira inyuma bugatakaza icyo bwari bwungukiye mu biganiro nya Arusha no muri iryo tegeko nshinga.
Ntakirutimana Deus
