Abantu 17 banduye Coronavirus bahuye n’abandi 688
Minisiteri y’ubuzima yatangaje ko abantu 17 bamaze kugaragara ko banduye indwara ya covid-19 bahuye n’abandi 688.
Minisitiri w’ubuzima Dr Daniel Ngamije avuga iby’iyi mibare, yagaragaje umubare w’abasaga 130 bapimwe amatembabuzi uyu munsi bagasanga nta n’umwe urwaye iyi ndwara.
Akomeza asaba abanyarwanda kwirinda bakurikiza ingamba zitandukanye zafashwe na leta mu rwego rwo kwirinda iki cyorezo.
Bamwe mu bagaragayeho iki cyorezo bagiye banduza abo babana, urugero ni umuhinde wavuzwe bwa mbere mu Rwanda ko yanduye iki cyorezo, abo babana barimo umugore we nyuma bagasanga na we yarayanduye.
Ntakirutimana Deus
