Abagenda kuri moto bashakiwe uburyo bwo kubarinda coronavirus
Abagenzi bagenda kuri moto mu Rwanda bazajya bahabwa ingofero zabugenewe(casques) zitariho ikirahure.
Urwego ngenzuramikorere (RURA)rwagennye ko abamotari bose bavana ibirahure ku ngofero baha abagenzi mu rwego rwo kwirinda ikwirakwizwa ry’indwara ya coronavirus yiswe covid-19.
Abagenda kuri moto barasabwa kwambara igitambaro gipfutse umutwe kugera mu ijosi, ku buryo ntaho bahurira n’ingofero y’umumotari.
Ubu ni bumwe mu buryo bwiyongera ku bundi bwagiye bufatwa n’uru rwego mu rwego rwo kurinda abagenzi kwandura iki cyorezo, ubwo burimo kuvanaho abagenzi bagendaga bahagaze mu modoka nini zitwara abagenzi mu mujyi wa Kigali, gukangurira abantu kwirinda ingendo zitari ngombwa no kubahiriza amabwiriza y’isuku.
Ntakirutimana Deus
