Koreya ya Ruguru yagerageje igisasu kirimbuzi kihuta inshuro eshanu kurusha ijwi

Korea ya Rugugu yashoboye kugerageza igisasu cya misile kihuta kurusha ijwi inshuro eshanu (missile hypersonique/hypersonic missile), iryo ribaye igerageza rya mbere rikomeye rikozwe uno mwaka.

Ikinyamakuru cya leta ya Koreya ya Ruguru, KCNA kivuga ko iki gisasu “cyagenze neza” aho cyari cyateguriwe kugeragezwa ku butaka buri mu birometero 700.

Iki ni igisasu cy’ubu bwoko cya kabiri,  kikaba gishobora kumara umwanya muremure kitarabonwa n’ibyuma bishinzwe gukingira ikirere (radars) kurusha izindi misile ziterwa kure (missiles ballistiques/ballistic missiles).

Iki gisasu kigeragejwe mu gihe perezida w’icyo gihugu Kim Jong-un yari yatangaje ko yiyemeje gukomeza ubuhanga bwo kwivuna abanzii ba Pyongyang (umuwwa mukuru wa Korea ya Ruguru).

Mu ijambo ry’umwaka mushya yatangaje ko Koreya izakomeza ubushobozi bwayo bwo kwivuna abanzi kubera ko ibintu bikomeza kuba bibi mu bijyanye n’igisirikare mu karere ka Korea (kagizwe na Korea y’Epfo, na Korea ya Ruguru).

Mu mwaka ushize , Korea ya Ruguru yagerageje misile zitari nke ,  ni nyuma y’aho ibiganiro hagati yayo na Leta Zunze Ubumwe za Amerika hamwe na Korea y’Epfo bihagarariye.

Pyongyang[Koreya ya Ruguru] yanjiye mu rwego ruto rw’ibihugu,  birimo Amerika n’u Bushinwa, mu kugerageza gukora ibisasu bya milire byihuta gusumba ibindi.

Abashinzwe umutekano w’imipkaba babanje kubona ibyo bisasu mbere yuko leta ya Koreya ibitangaza.

Ibisasu byihuta kuruta ijwi birasa kure, bikaba bishobora gusiga ijwi incuro zirenga eshanu, ni ukuvuga ko bigendaumuvuduko ungana n’ibirometero hafi 6200 ku isaha, mu munota bigenda kilometero 103, mu isegonda bigenda kilometero hafi ebyiri.

Ankit Panda, umuhanga wo mu kigo Carnegie Endowment for International Peace, yabwiye ibiro ntaramakuru by’Abongereza Reuters ko iki gisasu cyageragejwe kidasa neza n’ikindi cyageragejwe muri Nzeri 2021 kizwi ku izina rya Hwasong-8 – ariko hari bike bihuriyeho.

Iyi misire nshya yashizwe ahabona ubwa mbere mu birori byo kwerekana ubushobozi bwo kwivuna abanzi byabereye i Pyongyang mu Kwakira 2021.

Pyongyang igerageje iki gisasu mu gihe ihanganye n’ikibazo cy’ubukene bw’ibirirwa giturutse ku ngingo zo guhangana coronavirus zagize ingaruka mbi ku bukungu bwayo.

Mu nama irangiza umwaka, Kim yavuze ko igihugu kiri mu “rugamba rukomeye rwo gupfa no gukira”, yongerako y’uko icyerekezo nyamukuru muri uno mwaka ari uguteza imbere ubukungu n’imiberehob y’abaturage.

Nubwo Korea ya Ruguru iri muri izo ngorane nta kintu na kimwe cyerekana kiri kugabanya akariro mu mugambi wayo wo gucura intwaro z’intambara, ikavuga ko bikenewe kubera impamvu z’umutekano wayo.

Amerika isaba Korea ya Ruguru guhagarika umugambi wayo wo gukora izo ntwaro, dore ko n’imibanire hagati ya  Pyongyang n’ubutegetsi bwa Perezida Joe Biden kugeza ubu itameze neza.

BBC

Leave a Reply

Your email address will not be published.