Afurika: Abasaga ibihumbi 200 bamaze kwicwa na COVID-19

Abantu barenga 200.000 bamaze kwicwa n’icyorezo cya Coronavirus muri Afurika kuva ugitangura gutera.

Iyi ni imibare yatanzwe n’ibiro ntaramakuru by’Abafaransa, AFP kuwa kabiri.

Ibihugu 54 bigize umugabane wa Afurika ntibyanegekajwe cyane ugereranyije n’ibindi bihugu ku Isi. Ariko Afurika, umugabane w’abantu barenga miliyari n’ibihumbi 300, umaze gutakaza abaturage bawo 200 254 kuva icyo cyorezo cyakwaduka gihereye mu Bushinwa mu kwezi kwa cumi na kabiri 2019.

Ishyirahamwe mpuzamahanga ryita ku magara y’abantu, OMS, rivuga ko umubare w’abandura   kiri hasi bitewe nuko nta bipimo bihagije biri muri Afurika.

Afurika ifite kandi imibare mito y’abamaze gukingirwa ugereranije n’iyindi migabane. Imibare ya AFP yerekana ko mu banyafurika 100, umunani gusa ni bo bamaze gukingirwa. Ni mu gihe ku mugabane w’i Burayi ari abantu 102 n’116 muri Reta zunze ubumwe za Amerika na Canada.

Abantu Covid-19 imaze guhitana ku Isi hose barenga miliyoni 4 n’ibihumbi 570.  Mu Rwanda abo imaze guhitana ni 1, 135 (kugeza kuwa 6 Nzeri 2021).

 

0Shares

Leave a Reply

Your email address will not be published.