Amerika iri gusuzuma niba itakingira DOZE YA GATATU abakingiwe bazahawe na covid-19

Leta zunze ubumwe za Amerika “ziri mu cyerekezo kibi” ku cyorezo cya coronavirus mu gihe iri kwiyongera mu bantu batakingiwe, nk’uko bivugwa n’inzobere mu by’ubuvuzi, bityo bakaba bari gusuzuma niba batakingira doze ya gatatu abari barakingiwe.

Dr Anthony Fauci avuga ko ubwoko bw’iyi virus bwa Delta ari bwo buri gutumbagiza imibare ahantu hari abantu bacye bakingiwe.

Yavuze ko abashinzwe ubuzima bari kureba niba basubizaho inama yo kwambara agapfukamunwa no ku bantu bakingiwe, mu kurwanya ubwo bwiyongere.

Avuga kandi ko bari kureba niba batatera doze y’urukingo y’inyongera ku bantu bageramiwe¬† nkuko BBC yabitangaje.

Dr Fauci, umujyanama mukuru wa Perezida Joe Biden mu buvuzi, ku cyumweru yabwiye CNN ko coronavirus “yabaye icyorezo mu bantu batakingiwe”.

Abantu barenga miliyoni 162 – cyangwa se 49% by’abatuye US – barakingiwe byuzuye, nk’uko imibare y’ababishinzwe ibyerekana.

Kugeza mu kwezi kwa kane Amerika yari imbere mu bihugu byakingiye benshi, mbere y’uko imibare igabanuka.

Imibare y’abakingiwe iri hasi cyane cyane muri leta zo mu majyepfo, aho hamwe na hamwe kimwe cya kabiri cy’abahatuye ari bo bafashe doze ya mbere.

Hagati aho imibare ya buri munsi ya Covid yongeye kuzamuka muri Amerika nyuma yo kumanuka mu kwa gatanu n’ukwa gatandatu.

Uku kwiyongera kugeza ku bantu bose hamwe miliyoni 34 banduye iki cyorezo n’abagera kuri 610,000 kimaze kwica kugeza ubu.

Uku kwiyongera gushya, hamwe na hamwe, bavuga ko guterwa n’ubwoko bwa Delta bwandura vuba cyane.

Uko kwiyongera kwa Covid kuboneka muri leta aho kwikingiza bititabirwa cyane nka Florida, Texas na Missouri.

Mu ntangiriro z’icyumweru gishize, umuhanga mu kubaga abarwanyi Vivek Murthy yavuze ko 99.5% by’imfu nshya za Covid ari abantu batakingiwe.

Mu kiganiro cye na CNN, Dr Fauci asaba abategetsi muri izo leta gushishikariza abantu kwikingiza.

Yavuze ko “yakozwe ku mutima” no kuba ba guverineri b’Abarepubulikani ba Arkansas na Florida bari gushishikariza abantu kwikingiza. Aba bombi mu bihe byashize baneguraga inama za Dr Fauci.

Muri Amerika ubu, ikigo cya Centers for Disease Control and Prevention (CDC) kivuga ko abantu bakingiwe byuzuye bashobora “gusubukura ibikorwa bakoraga mbere y’icyorezo batambaye agapfukamunwa”.

Gusa Dr Fauci avuga ko leta zimwe zamaze gusubizaho amabwiriza y’agapfukamunwa ahari abantu benshi no mu nzu zihuriramo abantu, mu kurwanya ubwandu bushya.

Mu mujyi wa Los Angeles, agapfukamunwa ubu ni itegeko mu nyubako rusange ku bakingiwe n’abatarakingiwe.

0Shares

Leave a Reply

Your email address will not be published.