Gen Katumba wahoze ari umugaba w’ingabo za Uganda yarusimbutse ariko ruramuhekura

General Katumba Wamala, wahoze ari umugaba w’ingabo za Uganda ubu akaba ari Minisitiri w’imirimo n’ubwikorezi, mu gitondo kuwa kabiri yarashwe n’abitwaje intwaro arakomereka hafi y’iwe mu murwa mukuru Kampala.

Ababibonye bavuga ko abamurashe bari kuri moto, nk’uko umunyamakuru wa BBC dukesha iyi nkuru uri i Kampala abivuga.

Umuvugizi w’ingabo Brigadier Flavia Byekwaso yabwiye ibiro ntaramakuru Reuters ko Gen Wamala yajyanywe ku bitaro, mu gihe umushoferi we yahise apfa.

Televiziyo ya NBS TV ivuga ko umukobwa wa Gen Wamala, bari kumwe mu modoka na we yapfuye.

Mu myaka ishize, ibikorwa nk’ibi byo kurasa abantu bikozwe n’abari kuri moto byariyongereye muri Uganda.

Mu 2018, Ibrahim Abiriga, umunyapolitiki wari uzwiho gushyigikira cyane Perezida Yoweri Museveni, yarasiwe hafi y’iwe arapfa.

Felix Andrew Kaweesi wari ukuriye ibikorwa bya Polisi nawe yishwe mu buryo nk’ubu mu 2017.

Umucamanza n’abakuru mu idini ya Islam benshi nabo barishwe mu buryo nk’ubu mu gihe gishize.

0Shares

Leave a Reply

Your email address will not be published.