Burundi: Ibitero bya Grenade byaturikiye i Bujumbura byahitanye abantu

Mu ijoro ryo kuwa kabiri mu Burundi haturikiye grenade zahitanye abantu babiri, abandi barakomereka nkuko byemezwa na leta.

Izo grenade zaturikiye aho abagenzi bategera imodoka mu bice bitatu biri mu murwa mukuru w’ubukungu Bujumbura

Ku rubuga rwa Twitter, leta yatangaje ko ibyo bitero ari « iterabwoba » bwemeza ko abantu babiri ari bo bamaze kwitaba Imana : umwe yaguye mu gitero cyo hagati i Bujumbura undi nawe apfa amaze kujyanwa kwa muganga.

Ubushize abantu 72 baguye mu bikorwa byo gutera izi gerenade muri uyu mujyi mu 2015. Gusa abaturage bavuga ko bafite ubwoba bw’ibi bitero ngo bitari biherutse muri iki gihugu.

Leta yanenze amakuru y’abaturage bavuga ko hari bantu benshi bakomeretse, nyamara abari bahari bavuga ko hari abantu benshi bahakomerekeye bakajyanwa kwa muganga n’imodoka zirimo iz’abo mu nzego z’umutekano. Hari kandi abantu bafashwe bari muri za resitora n’utubari.

Leta ivuga ko umwe mu bateye izi gerande yafashwe nkuko VOA dukesha iyi nkuru yabitangaje.

Ibyo bitero bibaye mu gihe muri uwo mujyi hari kubera inama  ya 51 y’urwego rushinzwe ibibazo by’umutekano mu karere ka Afurika yo hagati.

Nyuma y’ibi bitero, abasirikare n’abapolisi bahise buzura muri uyu mujyi.

Muri iki gihugu haherutse gutangazwa abantu bishwe barimo abagera kuri 13 bishwe tariki ya 9  barimo umukoloneri biciwe mu ntara ya Muramvya  mu gitero cy’abitwaje intwaro, abandi barindwi biciwe mu  gitero tariki 16 Mata muri komini Rusaka, iri hagati mu Burundi.

0Shares

Leave a Reply

Your email address will not be published.