Australie irasaba iperereza ku mvano ya virusi ya Corona

Australiya irasaba amaperereza ku mvano ya virusi ya Corona, u Bufaransa busanga igihe cyabyo kitaragera.

Nk’uko ikigo ntaramakuru Reuters cyo mu Bwongereza kibitangaza, minisitiri w’intebe wa Australia, Scott Morrison, yasabye izi anketi mu biganiro bitandukanye yagiranye kuri telefoni na mugenzi we w’Ubudage, Angela Merkel, na ba Perezida Donald Trump wa Leta zunze ubumwe z’Amerika na Emmanuel Macron w’Ubufaransa.

Yabahaye igitekerezo cy’amaperereza yigenga yo gucukumbura aho virusi ya Corona yaturutse, n’uko OMS (ishami ry’Umuryango w’Abibumbye ryita ku buzima) yabyitwayemo nkuko tubikesha VOA.

Morrison yanditse kuri Twitter ko yagiranye na Perezida Trump ikiganiro “cyubaka cyane.” Naho Perezida Macron, nk’uko Reuters ibivuga, yabwiye Morrison ko anketi zaba zitegereje ariko zikwiye kubaho koko. Ati: “Icya mbere kihutirwa cyane mu iki gihe ni uguhashya icyorezo.”

Scott Morrison

✔@ScottMorrisonMP

Just got off the phone with US President @realDonaldTrump. We had a very constructive discussion on our health responses to #COVID19 and the need to get our market-led and business centres economies up and running again.ok

Ubushinwa bwamaganye icyifuzo cya Australia, buvuga ko ibyo ishaka bikurikiza amabwiriza ya Leta zunze ubumwe z’Amerika.

Virusi ya Corona yagaragaye bwa mbere mu mujyi wa Wuhan mu Bushinwa mu kwezi kwa 12 gushize. Kaminuza Johns Hopkins yo muri Leta zunze ubumwe z’Amerika ivuga uyu munsi ko virusi ya Corona imaze kwica abantu barenga ibihumbi 178 no kwanduza abandi barenga miliyoni ebyiri n’igice ku isi yose.

Perezida wa Leta zunze ubumwe z’Amerika yayise virusi y’Abashinwa. Arega Ubushinwa guhisha ukuri kuri iki cyorezo na OMS kubukingira ikibaba.

Hashize icyumweru ahagaritse umusanzu w’igihugu cye muri OMS ungana n’amadolari miliyoni 400.

N.D

0Shares

Leave a Reply

Your email address will not be published.