Ibiro bishinzwe iperereza byataye muri yombi ushinjwa gukwiza ibihuha kuri Coronavirus

Umugabo witwa Kitonyo yatawe muri yombi ashinjwa gutangaza amakuru y’impuha kuri coronavirus.

Ibi byabereye mu mujyi wa Mwingi mu burasirazuba bwa Kenya. Ni mu gihe Perezida Uhuru Kenyatta yari aherutse kuburira Abanyakenya kwirinda gutangaza amakuru atari ukuri kuri Covid-19.

Uyu mugabo yafashwe kuri iki cyumewru nijoro n’abakozi b’ibiro bishinzwe iperereza ku byaha muri Kenya.

Arashinjwa gutangaza amakuru akoresheje ‘account’ itari nyayo (fake account) avuga ko leta yabeshye abaturage ku makuru y’umuntu wa mbere basanzemo iyi ndwara muri Kenya.

Ibyo yanditse byarakwirakwijwe henshi mu gihugu ku mbuga nkoranyambaga muri iyi weekend.

We yavugaga ko umurwayi bayisanzemo yari avuye i Roma mu Butaliyani aho kuba muri USA nk’uko abategetsi babivuze.

Ubu arashinjwa gutangaza amakuru y’impuha agaca igikuba muri rubanda, araregwa hagendewe ku itegeko rihana ibyaha byifashishije mudasobwa ryo mu 2018.

Mu iyaduka n’ikwirakwira ry’iyi ndwara, abahanga mu buvuzi bavuga ko amakuru y’ibihuha ku buryo yandura, uko yirindwa, abayanduye n’ibindi ari bimwe mu bica igikuba mu baturage.

Inkuru ya BBC

0Shares

Leave a Reply