Abatwara indege babiri bahagaritswe nyuma yo kuyirwaniramo

Abapilote babiri ba kompanyi y’u Bufaransa yo gutwara abantu mu ndege, Air France, bahagaritswe ku kazi nyuma yo gushyamirana bakarwanira mu cyumba baba bicayemo bayitwaye, nkuko amakuru abivuga.

Umupilote mukuru (kapiteni w’indege) n’umwungirije wa mbere bateranye ingumi ubwo bari batwaye indege yo mu bwoko bwa Airbus A320 yavaga i Genève mu Busuwisi yerekeza i Paris mu kwezi kwa gatandatu, nkuko bivugwa n’igitangazamakuru La Tribune cyo mu Busuwisi.

Abakozi bo mu ndege baratabaye nyuma yo kumva urusaku.

Umwe mu bakozi b’indege yagumye mu cyumba baba batwariyemo indege kugeza urwo rugendo rurangiye mu mutekano.

Air France yabwiye La Tribune ko ibyo byabaye hagati y’abapilote bayo bitagize ingaruka kuri urwo rugendo.

Ibi bibaye nyuma ya raporo yatangajwe ku wa kabiri ushize n’urwego rw’Ubufaransa rukora iperereza ku ngendo zo mu ndege, yavuze ko Air France ifite umuco ubuzemo igitsure ku bijyanye n’ingamba z’umutekano.

BBC

Leave a Reply

Your email address will not be published.