Loni yatangaje ibihugu bizakumirwa mu matora yayo kubera umwenda biyifitiye

Umunyamabanga mukuru w’umuryango w’abibumbye [Loni], avuga ko ibihugu umunani bigiye gutakaza uburenganzira bwo gutora mu nama y’inteko rusange yayo kubera ko bifitiye uwo muryango ibirarane by’umusanzu bitaratanga.

Ibi bihugu bigizwe na Irani, Venezuela, Sudani, Antigua na Barbuda, Repubulika ya Congo, Gineya, Papua Nouvelle Gineya na Vanuatu.

Umunyamabanga mukuru, Antonio Guterres, yabitangarije mu rwandiko yahaye perezida w’inteko rusange ya Loni, umunya-Maldivie , Abdulla Shahid kuri uyu wa gatatu.

Amategeko agenga Loni avuga ko igihugu kitadanze  ibirarane bingana cyangwa birenga igiteranyo y’imyaka ibiri  bitakaza uburenganzira bwo gutora.

Irani yari yaratakaje ubwo burenganzira mu kwezi kwa mbere 2021 ariko yongera kubwisubiza mu kwezi kwa gatandatu yishyuye imisanzu mike.

VOA

Leave a Reply

Your email address will not be published.