Ethiopia: Minisitiri w’intebe agiye kwigira ku rugamba ahangane n’inyeshyamba

Minisitiri w’intebe wa Ethiopia [soma Etiyopiya] Abiy Ahmed yatangaje ko agiye kujya imbere ingabo z’igihugu z’igihugu ziri ku rugamba zihanganyemo n’inyeshyamba.

Yabitangaje kuri uyu wa mbere mu butumwa yacishije ku rubuga rwa Twitter.

Izi nyeshyamba zirimo izo mu ntara ya Tigray zirwana mu ntambara imaze umwaka isatira umurwa mukuru Addis Abeba,

Abiy yavuze ko uyu munsi (yabitangaje ku wa mbere) ajya imbere y’ingabo ze ku rugamba. Yasabye abiyumva ko ari abana b’igihugu guhaguruka kurwanira igihugu kuva uyu munsi. Abasaba kugenda bagahurira ku rugamba.

Ibi Abiy yabitangaje mu gihe inyeshyamba zo mu mutwe TPLF bakomeje urugamba rusatira umurwa mukuru  Addis Abeba, aho bavuga ko bagenzura umujyi wa Shewa Robit,  uri mu birometero 220 by’umurwa mukuru.

Abiy Ahmed yatangije urwo rugamba mu Gushyingo 2020, mu ntara ya Tigray guhangana n’abarwanyi b’umutwe TPLF yavugaga ko bateye inkambi z’ingabo za leta.

Iyi ntambara imaze guhitana ibihumbi by’abantu, ituma  ibihumbi amajana byinjira mu bihe bidasanzwe by’inzara, nkuko bivugwa na Loni.

VOA

0Shares

Leave a Reply

Your email address will not be published.