Ingabo 1,000 Za Etiyopiya Zafatiwe Ku Rugamba Zarekuwe

Ingabo z’akarere ka Tigré muri Etiyopiya ziratangaza ko zarekuye abasilikali ba leta 1,000 bari barafatiwe mu mirwano.

Debretsion Gebremichael, uyobora ishyaka rya TPLF yabwiye ibiro ntaramakuru by’Abongereza Reuters ko abarekuwe ari basirikali bato. Avuga ko bagifite abandi barenga 5,000 mu maboko yabo bafatiwe ku rugamba.

Uyu mutegetsi avuga ko abasirikali bo ku rwego rwo hejuru bafite bo, bazashyikirizwa inkiko.

Abo barekuwe bakuwe mu ntara ya Tigré bajyanwa mu karere ka Amhara. Gusa ntavuga uwo abo basirikali bashyikirijwe.

Reuters ivuga ko itarashobora kwemeza neza ko ayo makuru ari impamo.

Ntacyo ubutegetsi mu gisirikali cya leta cyangwa muri leta buravuga kuri ayo makuru yatangajwe n’ishyaka rya TPLF riyobora akarere ka Tigré.

Ivomo: BBC

0Shares

Leave a Reply

Your email address will not be published.