Covid-19: U Bwongereza ntibwemerera abavuye muri Tanzania na Congo Kinshasa kubwinjiramo

 

Ubwongereza bwatangaje ingingo ibuza abagenzi bose bavuye muri Tanzania na DR Congo kwinjira muri iki gihugu, mu rwego rwo kwirinda Covid-19.

Kuri Twitter, minisitiri w’ubwikorezi mu Bwongereza Grant Shapps yavuze ko iyi ngingo igamije kwirinda ikwirakwira ry’ubwoko bushya bw’iyi virus bwo muri Afurika y’epfo.

Yanditse ati: “Abagenzi bose bavuye muri ibyo bihugu, uretse Abongereza n’abandi bafite uburenganzira bwo kuhatura, ntabwo bazemererwa kwinjira”.

Mu ntangiriro z’uku kwezi, abagenzi 11 bavuye mu bihugu byo muri Africa y’amajyepfo bangiwe kwinjira mu Bwongereza kubera impamvu nk’izi.

Mu kwa gatandatu umwaka ushize, Perezida John Magufuli yatangaje ko “nta coronavirus iri muri Tanzania” kubera amasengesho y’abaturage.

Gusa, ishami ry’umuryango w’abibumbye rishinzwe ubuzima ku isi ryagiye ritangaza impungenge ritewe n’imigirire ya leta ya Tanzania kuri iki cyorezo.

Abategetsi muri Tanzania na DR Congo ntacyo baratangaza kuri iki cyemezo cy’Ubwongereza.

Perezida Tshisekedi wa DR Congo na Magufuli wa Tanzania
Perezida Tshisekedi wa DR Congo na Magufuli wa Tanzania
Ivomo:BBC

The Source Post

0Shares

Leave a Reply