Amerika yaburiwe ku myigaragambyo karundura ishobora gukorwa n’ abashyigikiye Trump

Ikigo gishinzwe iperereza muri Amerika FBI kiratangaza ko hashobora kuba imyigaragambyo irimo intwaro  mu gihugu cyose mu gihe hasigaye iminsi mike ngo Joe Biden arahire nk’umukuru w’igihugu.

Hari amakuru avuga ko amatsinda yitwaje intwaro ashobora guhurira ku ngoro z’amakoraniro, Capitol, muri leta zose hamwe 50 hamwe n’i Washington DC mbere y’ibirori byo kurahira biteganyijwe ku wa 20 z’uku kwa mbere.

Ubu bwoba buje mu gihe harimo gufatwa ingingo ikoemeye yo kurinda umutekano w’uyu muhango.

Ejo ku wa mbere, Biden yabwiye abanyamakuru ko nta bwoba afite bwo kurahirira hanze y’ingoro ya Capitol nkuko tubikesha BBC.

Joe Biden na Kamala Harris bombi biteguye  kurahira hanze y’iyi nyubako , nyuma y’ibyumweru bibiri iyi ngoro ibayeho igitero cy’abashyigikiye  Perezida Donald Trump bamagana ibyavuye mu matora yamutsinze.

Umutekano warakomejwe ku ngoro y'amakoraniro ya Amerika Capitol inyuma y'igitero co mu ndwi iheze cahitanye ubuzima bw'abantu batanu
Umutekano warakomejwe ku ngoro y’amakoraniro ya Amerika Capitol nyuma y’igitero cyo mu cyumweru gishize cyahitanye abantu batanu

Inzego zishinzwe umutekano ziyemeje ko nta gitero nk’icyabaye ku wa 06 z’uku kwa mbere kizasubira – aho ibihumbi n’ibihumbi by’abashyigikiye Trump binjira ku ngufu muri iyo ngoro yari ikoraniyemo abadepite n’abasenateri kugira bemeze ibyavuye mu matora.

Chad Wolf, umukuru w’ishami rishinzwe umutekano yategetse ko inzego zishinzwe ubutasi zitangira ibikorwa bidasanzwe byo gucunga umutekano hasigaye iminsi itandatu ngo ibyo birori bibe, “zisunze ibyabaye mu  cyumweru gishize”.

Abategetsi bavuga ko ingabo z’igihugu (Garde Nationale) 15.000 ari zo zishobora gutegurwa kugira ngo zibungabunge iki gikorwa.

Ku mugoroba w’ejo ku wa mbere, Wolf yabaye undi minisitiri  wa leta ya Trump weguye kuva hadutse imyigaragambyo kuri Capitol, akaba yakurikiye abandi babiri Betsy DeVos na Elaine Chao.

Iyegura rye ryateye ibibazo ishami yari ayoboye mu gihe kiri kwiga uburyo cyakomeza umutekano w’irahira rya Biden. Mu cyumweru gishize Wolf yari yasabye Perezida Trump “kwamagana bikomeye” iyo myigaragamby  yabereye kuri Capitol.

Wolf avuga ko ingingo yo kwegura yayifashe kubera “ibiherutse kuba”, harimo n’ingingo zagiye zifatwa n’urukiko zirwanya igenwa rye.

None ni iyihe myigaragambyo yindi iteganyijwe?

Abashinzwe umutekano mu gihugu bavuga ko barimo kwiga neza imyigaragambyo ishobora kuba irimo gutegurwa mbere y’uko Joe Biden ashyikirizwa ubutegetsi.

Inyandiko zicishwa ku mbuga nkoranyambaga n’amatsinda y’abashyigikiye Trump  zihamagarira imyigaragambyo ku matariki atari make, harimo n’ibitero by’imbunda ku mijyi itandukanye mu gihugu ku wa 17 z’uku kwa mbere, ndetse  n’ibirori i Washington DC ku musi nyirizina w’irahira.

Ikinyamakuru cy’ikigo FBI, cyasubiwemwo n’ikinyamakuru ABC News hamwe n’ibindi binyamakuru, bitangaza ko ko hari itsinda ritegura “ibitero” ku nyubako z’ inkiko ku rwego rw’uturere, rw’amaleta n’igihugu, mu gihugu cyose, mu gihe Trump yakweguzwa mbere y’irahira rya Biden, hamwe no ku musi nyirizina w’irahira mu gihe atakweguzwa.

Mu minsi yakurikiye imyigaragambyo, abatari bake bo mu ishayaka ry’abaharanira demokarasi (Democrats) hamwe na bamwe mu ba Repubulika basabye ko Trump yegura , cyangwa akirukanwa ku butegetsi cyangwa akeguzwa n’inteko umutwe w’abadepite bafatanyije n’abasenateri

Inzego zishinzwe umutekano w’igihugu zategetse inzego za polisi z’uturere gukomeza umutekano ku nyubako  nyobozi inyuma y’ imyigaragambyo yabaye icyo gihe nkuko bivugwa n’ibinyamakuru bya Amerika.

Ibiro ntaramakuru by’Abongereza Reuters bisubiramo umutegetsi wo mu nzego z’umutekano w’igihugu avuga ko FBI yamaze kuburira za leta zose ko baba maso kuva ku wa 16 kugera ku wa 20 z’uku kwa mbere, hamwe na Washington DC by’amaburaburizo iminsi itatu mbere y’umunsi w’irahira.

0Shares

Leave a Reply