U Bushinwa bwimye uburenganzira inzobere za OMS zizapererezayo inkomoko ya COVID-19

Itsinda ry’inzobere z’ishami rya Loni ryita ku buzima (OMS) bariteguye kujya mu Bushinwa gukora iperereza ku nkomoko y’icyorezo cya COVID-19, ariko icyo gihugu ntikirabaha uburenganzira bw’impapuro zikenewe kugira binjiremo.

Umuyobozi wa OMS, Tedros Adhanom Ghebreyesus yavuze kuri uyu wa kabiri ko ababajwe nuko Ubushinwa bukidindiza urugendo rw’abo bahanga.

OMS imaze amezi ikora ibishoboka kugirango yohereze mu Bushinwa itsinda ry’abahanga 10 mpuzamahanga, bagizwe n’abanonosoye indwara zandra hamwe n’abahanga ku buzima bw’inyamaswa. Bazaba bagiye gufasha kumenya aho icyo cyorezo cyaturutse n’uburyo cyinjiye mu bantu.

Ariko urwo rugendo ntibiremezwa  aho ruzatangirira, ariko OMS ivuga ko yifuza ko rwatangira mu byumweru bya mbere by’uku kwezi kwa mbere.

Covid-19 yatanguye kwigaragaza mu Mujyi wa Wuhan mu Bushinwa mu mpera z’umwaka wa 2019, mbere yuko ikwirakwira ku Isi, aho Imaze guhitana abantu barenga miliyoni 1 n’ibihumbi 800.


FILE - A worker in a protective suit is seen at a shuttered seafood market during the early spread of the coronavirus, in Wuhan, Hubei province, China Jan. 10, 2020.
Umukozi mu mwambaro umurinda  icyorezo cyakwirakwiraga ku Isi giturutse i Wuhan,  mu ntara ya Hubei mu Bushinwa, tariki 10 Mutarama 2020
 

 195 total views,  2 views today

0Shares

Leave a Reply