August 7, 2020

The Source Post

Real news from real source

Madagascar: Basubiye muri Guma mu rugo kubera Coronavirus

Igice kinini cy’ikirwa cya Madagascar kirimo n’umurwa mukuru, Antananarivo, cyasubijwe mu mategeko yo kuguma mu rugo kubera kwiyongera kw’ubwandu bwa coronavirus.

Leta yatangaje ko izi ngamba zatangiye kubahirizwa ku wa mbere kugeza tariki 20 y’uku kwezi kwa karindwi.

Itangazo rya leta rivuga ko “umuntu umwe gusa mu rugo ari we uzemererwa kuva mu rugo hagati ya saa kumi n’ebyiri z’igitondo na saa sita z’amanywa”.

Andry Rajoelina
Muri Gicurasi Perezida Rajoelina yari yavuze ko babonye “umuti” wa Covid-19.

Abategetsi bavuga ko izi ngamba zigamije kugabanya ikwirakwira ry’iki cyorezo.

Leta ya Madagascar imaze gutangaza abantu 3,250 banduye Covid-19 muri bo 33 imaze kubica naho 1,135 bamaze kuyikira kuva yahagera mu kwezi kwa gatatu, nkuko imibare ya Kaminuza ya Johns Hopkins yo muri Amerika ibigaragaza.

Madagascar yavuzwe cyane mu makuru mu kwezi kwa gatanu ubwo Perezida Andry Rajoelina yatangazaga ko babonye umuti ushobora kuvura no kurinda iki cyorezo.

Uyu “muti” muri Madagascar bise Covid Organics ukoze mu byatsi byitwa Artemisia bisanzwe bikoreshwa mu kuvura malaria, watanzwe henshi mu mashuri mu gihugu.

Nubwo wari utaremezwa n’abahanga muri siyansi ko uvura iyi ndwara, ibihugu bimwe bya Afurika byawutumijeho ngo biwifashishe.

Muri Gicurasi,  Umuryango w’Ubumwe bwa Afurika watangaje ko ushaka gufata ibipimo bya siyansi ngo urebe niba uyu muti “ntacyo utwaye kandi unavura”.

Ishami ry’umuryango w’abibumbye ryita ku buzima (OMS/WHO) ryaburiye abantu kwirinda gukoresha imiti itarapimwe mu kuvura coronavirus.

Inkuru dukesha BBC

 2,004 total views,  2 views today

0Shares
Translate »