July 11, 2020

The Source Post

Real news from real source

Musanze: Hoteli eshatu zaciyemo abasanganwe Coronavirus ziri mu kato

Abakozi n’abageze muri hoteli eshatu zo mu karere ka Musanze bari gusuzumwa Coronavirus nyuma yuko hari abazinyuzemo basanganywe covid-19.

Ni nyuma y’uko hari amakuru yatambutse ku mbuga nkoranyambaga avuga ko Central command Post yagaragaje ko hari abantu batanu banduye (positive  cases) COVID-19 kandi banyuze muri izi hoteli.

Aba bantu banyuze muri izi hoteli twirinze gutangaza amazina yazo tariki 5 -6/06/2020.

Ubwo butumwa buvuga ko zigomba kuba zifunzwe, abakozi bazo bagafatwa ibizamini bigapimwa mbere yuko zongera gukora.

Umunyamakuru wa The Source Post yageze kuri hoteli ebyiri muri izi eshatu zivugwa ahagana saa sita. Yasanze zifunze imbere hari abapolisi bafite imbunda, hamwe hari abaganga bambaye mu buryo bw’ubwirinzi bari gufata ibizamini abari muri izo hoteli, ahandi barimo gukora isuku.

Hari amakuru yandi avuga ko abari bageze muri izo hoteli batangiye gushyirwa mu kato guhera ejo hashize.

Umuyobozi w’akarere ka Musanze, Nuwumuremyi Jeannine avuga ko igikorwa cyo gusuzuma abageze muri izi hoteli gikomeje nyuma y’uko iki kibazo kigaragaye.

Asaba abanyamusanze kudakuka umutima kuko iyo imibare yagaragaye kiba ari ikibazo ariko kiri gushakirwa igisubizo. Avuga kandi ko mbere yo kugira ubwoba bagombye gukaza ubwirinzi.

 

 

 

 

The Source Post

 55,862 total views,  4 views today

0Shares
Translate »