July 12, 2020

The Source Post

Real news from real source

Covid-19 yagaragaye mu masohoro y’abagabo barimo n’abayikize-ubushakashatsi

Ubushakashatsi bwari bwarerekanye ko icyorezo cya Coronavirus cyiswe Covid-19 gishobora kwandura giciye mu mazuru amaso n’umunwa bwerekanye ko kigaragara no mu masohoro y’uyirwaye n’uwayikize, bunakomoza ku kuba yakwandurira mu mibonano mpuzabitsina.

Amakuru mashya avuga ko iyi virusi ishobora kuba mu masohoro y’umugabo kabone n’iyo yaba yarakize iyi ndwara nkuko byemejwe n’abashakashatsi bo mu Bushinwa, nkuko bigaragara mu nkuru ya CNN.

Itsinda ry’abaganga bo mu bitaro byitwa Shangqiu Municipal Hospital bapimye abagabo 38 bavuriwe muri ibi bitaro Covid19 muri Mutarama na Gashyantare.

Abagera kuri 16% byabo bagaragaje ibimenyetso by’iyi virusi mu masohoro yabo. Abagera kuri 1/4 muri bo bari mu gihe nyacyo cy’ubwandu abandi bageze ku 9% barakize.

“Twabonye ko SARS-CoV-2 ishobora kugaragara mu masohoro y’umurwayi wa COVID-19, iyi virusi kandi ya SARS-CoV-2 ishobora gukomeza kugaragara mu masohoro y’uwakize.” Ibi ni ibitangazwa na Diangeng Li wo mu bitaro bya gisirikare by’u Bushinwa (Chinese People’s Liberation Army General Hospital) biherereye in Beijing.

Yongeraho ati ” Nubwo iyo virusi idashobora kwicamo kwinjira mu myanya myibarukiro y’umugabo, ishobora kurambamo.”

Ibi ariko ngo birasa n’ibidatangaje kuko hari izindi virusi nka Ebola na Zika nazo ngo zikwirakwizwa ziciye mu masohoro, nyuma y’amezi umugabo akize. Gusa ntibirasobanuka neza niba na covid 19 ishobora gukwirakwizwa muri ubu buryo. Ibimenyetso byagaragaye by’iyi virusi ntibivuga kwandura.

Mu gihe ngo byaba byagaragaye ngo hafatwa ingamba zo kwirinda iyi ndwara biciye muri izo nzira. Zimwe muri zo zaba kwikingira no kwifata mu bayirwaye.

Ntakirutimana Deus

0Shares
Translate »