Coronavirus yishe umuntu wa mbere muri Afurika

Indwara Coronavirus yari itari yica umuntu n’umwe muri Afurika kuva igihe imaze ivugwa igarika ingogo hirya no hino ku yindi migabane, yamaze guhitana uwa mbere muri Misiri.

Uwo ni mukerarugendo ukomoka mu Budage wari uri kuvurirwa iyi ndwara mu Misiri. Uwo mugabo w’imyaka 60 y’amavuko yari yageze mu Misiri mu cyumweru gishize avuga ko yumva ari guhinda umuriro.

Yajyanywe ku bitaro byo mu gace ko kuruhukiramo ka Hurghada ko ku nkengero y’inyanja itukura (Red Sea) ngo ahavurirwe ari naho baje kumusangamo coronavirus.

Ibiro ntaramakuru AFP bitangaza ko guhumeka kwe kwari kubangamiwe no “kwangirika gukomeye kw’ibihaha”.

Uwo murwayi yapfuye nyuma yo kwanga kwimurirwa mu cyumba cyo kwa muganga cyo mu kato.

Ku wa gatandatu, minisiteri y’ubuzima ya Misiri yatangaje ko hari abantu 45 bashya banduye coronavirus barimo n’abagenzi bari mu bwato, bituma umubare w’abamaze kuyandura bose hamwe muri icyo gihugu ugera kuri 48.

Ubwo bwato bwashyizwe mu kato ndetse abanduye bakurwamo bashyirwa ahantu habugenewe h’akato haherereye mu majyaruguru y’icyo gihugu.

Dore uko imibare y’abantu bemejwe ko banduye coronavirus muri Afurika ihagaze kugeza ubu:

Misiri: 48Algeria: 17Sénégal: 4Afurika y’Epfo: 3Maroc: 2Cameroun: 2Tunisia: 1Togo: 1Nigeria: 1

Src:BBC
Ntakirutimana Deus

0Shares

Leave a Reply