Leta ya Congo Kinshasa yahaye agahenge abayirwanya

Byitezwe ko Umukuru w’ishyaka ritavuga rumwe n’ubutegetsi UDPS, Felix Tshisekedi, ashyikiriza ijambo
Abatavuga rumwe na leta ya Repubulika Iharanira Demokarasi ya Congo bateguye ihuriro rya mbere ryemewe na leta mu gihe cy’imyaka 2.

Umukandida w’iri shyaka ritavuga rumwe na leta, UDPS, mu matora y’umukuru w’igihugu yo mu kwezi kwa cumi na kabiri, Felix Tshisekedi, umuhungu wa Etienne Tshisekedi utaravugaga rumwe n’ubutegetsi bwa Kabila araza gushyikiriza ijambo ku kibuga cu’umupira w’amaguru i Kinshasa.

Felix Tshisekedi aheruka gushinja umukuru w’igihugu Joseph Kabila, kuba ari umuntu utwaza igitugu nkuko BBC yabitangaje.

Muri iki gihugu haherutse kubera imyigaragambyo yateguwe na kiliziya gatolika yahagaritswe ku ngufu n’ingabo z’iki gihugu. Muri iyo myigaragambyo abantu 15 bararashwe.

Itegeko Nshinga ry’iki gihugu rigena ko Perezida Kabila yagombye kuba yaravuye ku butegetsi mu 2016 ariko amatora yakomeje kwigizwa inyuma amuha umwanya wo gukomeza kuyobora iki gihugu. Abatavuga rumwe na we bamushinja kugundira ubutegetsi.

ND

0Shares