Philippe Coutinho wagiye na Barcelone, ari ku mwanya wa 3 mu baguzwe akayabo ku Isi

Byakunze guhwihwiswa ariko byarangiye bibaye, umukinnyi w’Umunya-Brezil, Philippe Coutinho w’imyaka 25 ukina hagati mu ikipe ya Liverpool  yo mu Bwongereza , ikipe ye yumvikanye na Barcelone yo muri Espagne kumugura amapawundi miliyoni 142. 

Ibi bivuze ko ahita ajya ku mwanya wa gatatu mu bakinnyi baguze menshi, nyuma Neymar, Umunya-Brezil waguzwe akayabo ka miliyoni 200 z’amapawundi(£200m)ava Barcelone ajya muri Paris St-Germain mu mwaka ushize wa 2017.

Ku mwanya wa kabiri hari Umufaransa Kylian Mbappe, waguzwe miliyoni 165.7 ava muri Monaco ajya muri PSG. Gusa aya mafaranga yatanzwe nk’ideni ariko ashobora no kugurwa, uku guhinduranya amakipe nako kwabaye muri 2017 nkuko BBC yabitangaje.

Ku bijyanye na Coutinho, Barcelone yagiranye amasezerano na we. Liverpool izahabwa  ubwa mbere miliyoni 105 mu gihe asigaye azishyurwa nyuma. Uyu mukinnyi azashyira umukono ku masezerano y’imyaka itanu i Camp Nou. Mbere yo kujya muri Liverpool  yabanje gukina muri Inter Milan, aho yaguzwe ku miliyoni  8.5 mu kwezi kwa mbere muri 2013.

Urutonde rw’abakinnyi bamaze kugurwa menshi ku Isi

  1. £200m – Neymar
  2. £165.7m – Kylian Mbappe
  3. £142m – Philippe Coutinho 
  4. £135.5m – Ousmane Dembele
  5. £89m – Paul Pogba

 

Philippe Coutinho in action for Liverpool
Philippe Coutinho

Uko imyaka ishira indi igataha niko abakinnyi bagenda barushaho kugurwa menshi, kuko mu gihe cyabo, abakinnyi nka ba Zinedine Zidane n’abandi bagiye baca agahigo ko kugurwa menshi, ariko kagenda kavanwaho n’abashya uko iyo myaka itaha.

0Shares